Chenderbuech Carolina

D’Carolina, e chlini Hüslischnägg wachet eines Tages uuf ond hed ehres Hüsli nömme ofem Rögge. Wo esch es denn hii?

D’Carolina macht sech of e Wäg dör d’Wält of d’Suechi noch ehrem Hüsli ond erläbt es grosses Abentüür.

„Das Büechli han ech in erschter Linie för mini zwöi schnügelige Söhn gschrebe, wo emmer so gschpannt zuelosed, wenn ech ehne am Obe es sälberdechtets Gschechtli verzelle. Ond notürlech au e Betz för mine liebi Maa, wo mech velecht doch e chli uuslacht, dass ech of sone Idee cho be, wo eigentlech gar ned so zo mer passt….oder doch???“

Ech wörd mech wahnsennig freue, wenn au anderi Chend ond au Erwachseni e chli Spass hend a mim Gschechtli, ech ha’s of jede Fall gha bem Schriibe ond Mole ond ha notürlech emmer no Fröid dra, vor allem wenn ech’s weder mine zwöi Buebe vorläse.

An alle, die noch nicht soo gut „mein“ Schweizerdeutsch verstehen: Hier eine gute Gelegenheit zum Üben :-)

Jolanda Lehr / November 2010